Nuusflitse

Nuusflitse

ERFENISDAG 2020 met Gr11

Die BD-gr 11's se gees kan beslis nie gedemp word nie. Erfenisdag word vandag pragtig en kleurvol uitgebeeld deur hul kleredrag. Baie dankie aan hul graadhoof, me Aliesha Odendaal vir hierdie inisiatief. Dankie ook aan me Riana Nolte vir die neem van die foto's.


Matriek ontbyt

Die matrieks het vanoggend 'n ontbyt saam met die Personeel in die klubhuis geniet. Die lekker kuiertjie saam met die BD-matrieks het bande versterk en beslis 'n wipstappie in elkeen se dag gesit. Ons is baie trots op elke matriek en wens hul sterkte toe met die res van hul skooljaar.

        

             

 

 

  

E-sport span

Hoërskool Bredasdorp se E-sport span is deur na die uitspeelwedstryde van die HSEL Kampioenskappe. Hul wen hul eerste uitspeelwedstryd, teen Red Hill High, met 16-13. Ons staan bankvas agter hierdie span wat gedurende hierdie week teen groot skole, bv. Jeppe High en Grey College gaan speel. "Good luck", manne!
Agter vlnr: Johan Coetzer, Bruce Heany, Francois du Plessis
Voor vlnr: JP van Dalen, mnr Diedericks (koördineerder), Dylan Swart

Jerusalema-challenge

Die gr 11- en 12-BD's het hulle harte uitgedans tydens die Jerusalema-challenge. Nog 'n bewys dat die BD's se gees onblusbaar is: nie eers die Covid-19 pandemie kan hul geesdrif en entoesiasme blus nie.
Dankie aan mnr Marlon Olivier wat aan die stuur van sake was. Charl van As en Freddie Els, beide oud-BD's, was verantwoordelik vir die vervaardiging van die video.
#jerusalemachallenge
#JerusalemaDanceChallenge

www.facebook.com/HSBredasdorp/videos/3220464311374772/ 

 

 

 

Fiona Fourie - ontvang dubbelgoud

FIONA WEN DUBBELGOUD
Fiona Fourie, gr 12-leerder van Hoërskool Bredasdorp, het aanlyn aan die Montagu Eisteddfod deelgeneem Sy het ‘n pragtige dubbelgoue toekenning verower met haar solo “You are the reason”. ‘n Uitmuntende prestasie veral weens die feit dat ‘n nuwe platform vir deelname gebruik moes word. Ons is trotse BD’s!

 

KykNet Dans in jou Taal aanlyn-kompetisie

Baie geluk aan Nicole O’Neill, gr 12, wat aan die KykNet Dans in jou Taal aanlyn-kompetisie deelgeneem, en deurgedring het na die volgende rondte. Nicole het ‘n solo video ingestuur. Ons wens haar sterkte toe met die volgende rondte.

BACK A BD-PROJEK

Baie dankie vir u ondersteuning die afgelope tyd. Ons projek is tot einde Junie voluit aan die gang en ons vra weereens of u asb. u hand sal uitsteek om 'n leerder met 'n kospakkie vir volgende week te help.
Ons het 16 leerders wat elkeen 'n kospakkie moet ontvang. Weereens baie dankie dat ons op ons gemeenskap se betrokkenheid by Hoërskool Bredasdorp, kan staatmaak.

Subscribe to this RSS feed