INTERNE REDENAARS

Op 27 Julie het die jaarlikse interne Redenaarskompetisie plaasgevind. Die vyf beoordelaars moes behoorlik kopkrap om die drie beste redenaars in onderskeidelik die junior- en seniorafdelings aan te wys. Vir sommige van die gr 8 en 9’s was dit ‘n nuwe ervaring om vir die eerste keer voor ‘n gehoor standpunt in te neem. Die meer bedrewe senior sprekers het hul woord deeglik gestand gedoen. Beide groepe het moeite gedoen met hul voorbereiding en met oortuiging gepraat. Ons is baie trots op al vyftien BD’s wat bereid was om in die openbaar hul standpunte op ‘n geordende wyse te stel. Agter vlnr: Senior wenners Amy Davids (gr 12 – 3de plek), Amanda Gouws (gr 12 – 1ste plek) en Helena Kriel (gr 11 – 2de plek). Voor vlnr: Junior wenners Simhika Nariandas (gr 9 – 2de plek), Riley Dowrie (gr 9 – 3de plek) en Malienke van Wyk (gr 8 – 1ste plek).