Norté Mintoor en Kyle Willeman, beide gr. 11, het ‘n Boland Sewes Streekspan in Dubai verteenwoordig. Hierdie span het ‘n brons medalje verower! Hulle het teen skoolstreekspanne van regoor die wêreld deelgeneem. Baie geluk Norté en Kyle. Ons is baie trots op julle!
Monthly Archives: December 2023
Baie sterkte aan Somé Louw, hoofdogter 2024, wat van 10 tot 11 Desember 2023 aan Die Burger se 65ste jeugleierkonferensie gaan bywoon. Ons glo en vertrou dat dit vir jou ‘n verrykende ervaring sal wees.
Baie sterkte aan die volgende vier matriekonderwysers wat vanaf 6 Desember gr. 12 NSS-antwoordstelle nasien. Ons is trots op julle!
Klik op skakel hieronder
Baie sterkte aan Markus de Villiers, gr 10, met sy deelname aan die SA Jukskeikampioenskappe. Markus neem vanaf 8 Desember in Kroonstad, vir die Wynlande o.18- Jukskeispan deel. Die BD’s is trots op jou, Markus. Gaan gooi daai skeie en wys jou slag!
Anelmari van Niekerk, gr 12, neem vanaf 8 Desember in Kaapstad vir die Boland o.19A-dogterskrieketspan aan die Nasionale Kampioenskappe deel. Sy het in 2022 ook dié prestasie behaal. Anelmari, ons weet jy lewer ‘n uiters waardevolle bydrae tot die span en wens jou alle voorspoed toe. Geniet elke oomblik!
Uit-ein-de-lik is die eindeksamen klaar! Uitroepe van vreugde het opgeklink toe HSB se 90 matrikulante vanmiddag die eksamenlokaal vir oulaas verlaat het. Groot was hul verbasing toe hul ouers en opvoeders hulle buite die saal ingewag het om in hierdie kosbare oomblik in hulle lewens te deel. Nou wink die wye wêreld vir hulle. Vlieg […]